Skud jou vleis braai kompetisie is ’n gemeenskap inisiatief om Fondse in te samel vir en namens die Presedent Kruger-kinderhuis, Pretoria. Alle Fonds gaan direk aan die Presedent Kruger-kinderhuis om aan te wend soos hulle goeddink.
Deur skenking te maak, bevestig jy (die "Skenker") dat jy hierdie terme & voorwaardes aanvaar en daarmee saamstem. Jy sal 'n bindende wettige ooreenkoms aangaan met die President Kruger-kinderhuis. Maak asseblief seker dat jy dit noukeurig lees en huiwer nie om enige vrae daaroor te vra voordat jy skenking maak nie. Kontak gerus Alex Botha, Bemarking- en Skakelbeampte, by Bemarker@pkkhuis.co.za of 012 332 1366/7.
Hierdie ooreenkoms is 'n kontrak tussen skenkers en die President Kruger-kinderhuis en is van toepassing op die gebruik van aanlyn-skenkings dienste en elektroniese fondsoordragte (EFT).
Deur hierdie webwerf te gebruik, stem jy in tot hierdie terme en voorwaardes. Jy gebruik die aanlyn-skenkings diens en EFT op jou eie risiko, en ons sal nie aanspreeklik wees vir enige skade wat jy mag ly nie, behalwe vir skade wat deur ons nalatigheid of opset veroorsaak is. As jy enige vrae het oor sekuriteit en privaatheid, stuur asseblief 'n e-pos na Bemarker@pkkhuis.co.za.
Wanneer 'n Skenker 'n skenking (‘n "bydrae") aan die President Kruger-kinderhuis maak, verstaan die Skenker dat die volgende reëls en terme van toepassing is:
Vrywillige Bydraes
Alle skenkings en/of bydraes word vrywillig en op die uitsluitlike diskresie en risiko van die Skenker gemaak.
Kansellasies en Terugbetalings
Geen terugbetalings van enige skenkings en/of bydraes deur Skenker sal in enige omstandighede gemaak word nie.
Voordele Van 'n Donasie
Ons is 'n geregistreerde openbare welsynsorganisasie (PBO), wat dit vir ons moontlik maak om aan donateurs Artikel 18A belasting sertifikate uit te reik wat gebruik kan word om 'n belastingkortings voordeel te ontvang.
Bevestiging
Deur die aanlyn-skenkings vorm te voltooi, stem jy daarmee in dat jy 18 jaar oud is en die skenking maak. Indien jy die skenking namens 'n derde party of 'n ander identiteit maak, bevestig jy dat jy die nodige toestemming en magtiging het om sodoende skenking te maak.